KOLNews

ராணுவத்தினருடன் ரோந்து..! - கெத்து காட்டும் 'தல' டோனி..!

வரும் 31ம் தேதி முதல், இந்திய அணியின் கிரிக்கெட் வீரர் டோனி ராணுவத்தினருடன் ரோந்து பணிக்கு செல்வார் என அறிவிக்கப்பட்டுள்ளது.

சமீபத்தில் நியூசிலாந்திற்கு எதிரான உலகக் கோப்பை அரையிறுதியில் இந்தியா தோல்வியடைந்ததிலிருந்து இந்நிலையில்,டோனியின் எதிர்காலம் குறித்த வெல்வேறு ஊகங்கள் வெளிவந்த விதமாக இருந்தது.

வரும் ஆகஸ்ட் 3 ஆம் தேதி தொடங்கும் வெஸ்ட் இண்டீஸ் சுற்றுப்பயணத்திற்கான இந்திய அணியை பிசிசிஐ தேர்வு செய்தவுடன், டோனியின் எதிர்கால திட்டங்கள் குறித்த தெளிவான தகவல்கள் கிடைக்கும் என கூறப்பட்டு வந்தது.

இந்நிலையில் டோனி, தனது துணை ராணுவ படைப்பிரிவுக்கு சேவை செய்ய விளையாட்டிலிருந்து இரண்டு மாத ஓய்வு எடுப்பதாக பிசிசிஐக்கு தெரிவித்தார். மேலும் அவர் இதன் பொருட்டு வெஸ்ட் இண்டீஸ் சுற்றுப்பயணத்தில் அவர் கலந்து கொள்ளவில்லை. 

ஏற்கனவே டோனி, பிராந்திய ராணுவத்தின் பாராசூட் ரெஜிமென்ட்டில் கவுரவ லெப்டினன்ட் கர்னல் ஆவார். இந்நிலையில் வரும் 31ம் தேதி முதல் ஆகஸ்ட் 15ம் தேதி வரை காஷ்மீரில் ராணுவ குழுவினருடன் டோனி ரோந்து பணிக்கு செல்ல இருப்பதாக அதிகாரப்பூர்வமாக அறிவிக்கப்பட்டுள்ளது குறிப்பிடத்தக்கது.

English Summary

Patrol with troops ..! - Dhoni's Brave show.!

Latest Articles

KOLNews