KOLNews

உரிமைகளை அளித்தது காங்கிரஸ் ..பறிக்கிறது பாஜக அரசு ..! - ராகுல்காந்தி குற்றச்சாட்டு

மத்திய அரசு ஆரம்பத்திலிருந்தே, மக்களின் உரிமைகளை பறித்து வருகிறது என காங்கிரஸ் எம்.பி ராகுல்காந்தி கடுமையாக குற்றம் சாட்டியுள்ளார்.

முன்னதாக இது குறித்து இன்று அவர்  வெளியிட்டுள்ள ட்விட்டர் பதிவில், அடிப்படை உரிமைகள் இல்லாத ஒரு ஜனநாயக நாடு இருந்து என்ன பயன்? என்று கேள்வி எழுப்பியுள்ளார். 

அத்துடன், பிரதமர் நரேந்திர மோடி தலைமையிலான பாஜக அரசு, தொடக்கத்திலிருந்தே மக்களின் உரிமைகளை பறித்து வருகிறது என்றும், அடிப்படை உரிமைகள் அழிக்கப்பட்ட இந்தியாவை நம்மால் நினைத்துக் கூட பார்க்க முடியாது என்றும் தெரிவித்துள்ளார் 

மேலும், அரசாங்கத்திடம் கேள்வி கேட்கவும் மக்களுக்கு உரிமை உள்ளது, ஆர்டிஐ போன்ற உரிமைச்சட்டங்களை கொண்டு வந்தது காங்கிரஸ் கட்சிதான் என சுட்டிக்காட்டியுள்ள ராகுல் காந்தி, ஆனால் பாஜக அரசு எப்போதும், மக்களின் உரிமைகளை பறிப்பதிலேயே முனைப்புடன் இருக்கிறது என்று குற்றம்சாட்டியுள்ளார்.

English Summary

Congress gives rights .. BJP government snatches ..! - Rahul Gandhi charge

Latest Articles

KOLNews