KOLNews

தொடரும் "தமிழ்" பாசம் ..! - தாய்லாந்து மொழியில் திருக்குறள் வெளியிடுகிறார் பிரதமர் மோடி

சமீப காலமாக பிரதமர் மோடி, தமிழ் மொழி சார்ந்த விஷயங்களில் அதிகம் ஈடுபடுகிறாரா? அல்லது அது போன்ற சூழல் ஏற்படுகின்றதா ? என்பது பற்றி பல வித கருத்துக்கள் பலராலும் சொல்லப்படுகிறது. 

குறிப்பாக ஐநாவில் தமிழ் சொற்றொடரை மேற்கோள் காட்டியது, சீன அதிபரை மகாபலிபுரத்தில் சந்திக்கையில் 'வேஷ்டி' கட்டி வந்தது. என பல விஷயங்கள் நடக்கின்றன. 

இதை சிலர் பாராட்டுவதும் சிலர் விமர்சப்பதுமாய், எதோ ஒரு வகையில் பேசும் பொருளாக 'மோடியின் தமிழ் நட்பு'  இருந்து வருகிறது.   

Image result for modi in veshti sattai

இந்நிலையில், தாய்லாந்து மொழியில் எழுதப்பட்டுள்ள திருக்குறள் நுாலை பிரதமர் மோடி நாளை(நவ.,2) வெளியிடுகிறார் என்கிற தகவலும் வந்துள்ளது.

இது குறித்து டில்லியில் வெளியுறவுத்துறை கிழக்கு பிரிவு செயலர் விஜய் தாக்குர் சிங் கூறுகையில், - 

"பிரதமர் மோடி, தென்கிழக்கு ஆசிய நாடான தாய்லாந்துக்கு 2ம் தேதி முதல் 4ம் தேதி வரை அரசு முறை பயணமாக செல்கிறார். அங்கு தலைநகர் பாங்காக்கில் நடக்கும் ஆசியான் - இந்தியா கிழக்கு ஆசியா ஆர்.சிஇ.பி. என்படும் பிராந்திய ஒருங்கிணைந்த பொருளாதார கூட்டணி ஆகிய அமைப்புகளின் மாநாடுகளில் பிரதமர் மோடி பங்கேற்கிறார்.

மேலும், அங்கு வசிக்கும் இந்தியர்களை சந்தித்து பேசுகிறார். அப்போது தாய்லாந்து மொழியில் எழுதப்பட்டுள்ள திருக்குறளை வெளியிடுகிறார். அத்துடன் சீக்கிய மத ஸ்தாபகர் குருநானக்கின் 550வது பிறந்த ஆண்டையொட்டி நினைவு நாணயம் ஒன்றையும் வெளியிடுகிறார்",.

என அவர் தெரிவித்தார்.

பாங்காக்கில் உள்ள சுலாலாங்கோர்ன் பல்கலை பேராசிரியர் டாக்டர் சுவித் விபுல்ஸ்ரீஸ்த் திருக்குறளை தாய்லாந்து மொழியில் மொழிபெயர்க்கப்பட்டுள்ளது.

எப்படியோ வலைதளவாசிகளுக்கு  விவாதம் செய்ய,  மோடி மீண்டும் ஒரு விஷயத்தை கொடுத்துள்ளார்.

English Summary

"Tamil" affection .. - PM Modi publishes Thirukkural in Thailand

Latest Articles

KOLNews