KOLNews

பொள்ளாச்சி பாலியல் வழக்கில் எஞ்சிய குற்றவாளிகளையும் கைது செய்ய வேண்டும்..! - டிடிவி தினகரன்

அம்மா மக்‍கள் முன்​னேற்றக்‍ கழகப் பொதுச் செயலாளர் டிடிவி தினகரன், பொள்ளாச்சி பாலியல் வழக்கில், சி.பி.ஐ. விரைவாக செயல்பட்டு எஞ்சிய குற்றவாளிகளையும் கைது செய்ய வேண்டும் என வலியுறுத்தியுள்ளார்.

இது தொடர்பாக அவர் நேற்று வெளியிட்டுள்ள டுவிட்டர் பதிவில், தமிழகத்தையே உலுக்கிய பொள்ளாச்சி பாலியல் வழக்கில் மேலும் மூன்று பேர் 2 ஆண்டுகளுக்குப் பிறகு தற்போது கைது செய்யப்பட்டிருக்கும் நிலையில், சி.பி.ஐ. விரைவாக செயல்பட்டு எஞ்சிய குற்றவாளிகளையும் கைது செய்ய வேண்டும் என வலியுறுத்தியுள்ளார்.

அத்துடன், அப்பாவி பெண்கள் பாதிப்புக்கு ஆளாவதற்கு காரணமானவர்கள் யாராக இருந்தாலும் அவர்களுக்கு தண்டனை பெற்றுத்தர வேண்டும் என  வலியுறுத்தியுள்ள தினகரன்,  பாதிக்கப்பட்டவர்களுக்கு தாமதமின்றி உரிய நீதி கிடைக்க சி.பி.ஐ நடவடிக்கை எடுக்க வேண்டும் என்றும் கேட்டுக்கொண்டுள்ளார்.

English Summary

The rest of the culprits in the Pollachi sex case should be arrested ..! - TTV Dhinakaran

Latest Articles

KOLNews